A Axencia Urbana de Ames inicia cunha diagnose exhaustiva do territorio, analizando aspectos sociais, económicos, ambientais e de mobilidade. A partir desta análise, identifícanse retos específicos que guían os seis obxectivos estratéxicos e tres obxectivos transversais, todos adaptados ás características e necesidades do municipio.

Os obxectivos estratéxicos abordan diversas liñas de actuación e accións concretas para superar os retos identificados, mentres que os obxectivos transversais aseguran a inclusión, participación e innovación en todas as accións. Este plan de acción foi desenvolvido de forma colaborativa, involucrando activamente ás entidades e asociacións locais, fomentando a participación cidadá no deseño do futuro do municipio.

O marco estratéxico da Axenda Urbana de Ames é un modelo consensuado polos principais axentes e a cidadanía, destinado a crear un municipio máis sostible, seguro, saudable e resiliente, en consonancia coa Axenda Urbana Española, as Axendas Urbanas Internacionais e o ODS 11 da Axenda 2030 de Nacións Unidas.